नेकपा प्रचण्ड–नेपाल पक्षका अध्यक्ष पुष्पकमल दाहाल प्रचण्डले प्रधानमन्त्री केपी ओलीले बाजी हारिसकेको बताएका छन् । शुक्रबार राति एक टेलिभिजन अन्तरवार्ताका क्रममा प्रचण्डले भने, ‘उहाँले बाजी हारिसक्नुभयो । जुन दिन उहाँले मेराविरुद्ध सम्पूर्ण हमला– जसले यो परिवर्तनको निम्ति, शान्तिको निम्ति, लोकतन्त्रका निम्ति, संविधान निर्माणमा योगदान गर्यो त्यसलाई सिध्याउँछु भन्दै उहाँ हिँड्नु भयो । बाजी त्यहीँ हार्नुभयो।’
विगतमा ओलीलाई राम्ररी चिन्न नसक्नु आफ्नो भूल भएको स्वीकार्दै प्रचण्डले अब आफूले उनलाई राम्रोसँग चिनेको बताए ।

उनले अब केपी ओली प्रधानमन्त्रीमा निरन्तर हुने सम्भावना हुँदै नभएको भन्दै देशले छिट्टै नयाँ प्रधानमन्त्री पाउने बताए ।