फोहरी सन्देश पठाउने हाकिमलाई महिलाले ठटाइन् कुचोले (भिडियो)

चीनमा एक महिला कर्मचारीले आफ्नो पुरुष हाकिमलाई कुचो (मोप) ले ठटाएको भिडियो भाइरल बनिरहेको छ । 

हाकिमले कैयौं दिनसम्म ती सरकारी कर्मचारीलाई अश्लील सन्देश पठाएका थिए । हैरान भएपछि महिलाले यस्तो कदम चालेकी हुन् । 
 


Advertisement

हेइलोङज्याङ प्रान्तको सरकारी कार्यालयमा घटना भएको हो । भिडियोमा महिलाले हाकिमलाई मोपले हिर्काएको, मुखमा पानी फ्याँकेको र किताब समेत उचालेर फ्याँकेको देखिन्छ । 

पिटाइ खाँदा हाकिम कुर्सीमा बसिरहन्छ अनि आफैंलाई बचाउने कोशिश गर्छ । महिलाले हाकिमलाई पिट्दै गर्दा बीचबीचमा फोनमा कुरा गरेको अनि हिँडेको पनि देखिन्छ । 

हाकिमले आफूलाई तीनपटक अश्लील सन्देश पठाएको र कार्यालयका अन्य महिला कर्मचारीसँग पनि फ्लर्ट गर्ने गरेको महिलाको आरोप छ । 

हाकिम चाहिँ त्यस्ता सन्देशहरू जोक मात्र भएको भन्दै प्रतिवाद गरेको सुनिन्छ । 

हाकिमको नाम वाङ हो र ऊ गरीबी निवारण आयोगको उपनिर्देशक हो । घटनापछि उसलाई बर्खास्त गरिएको छ । सामाजिक सञ्जालमा महिला कर्मचारीप्रति सहानुभूतिका सन्देशहरू आएका छन् । 
 

एजेन्सी
एजेन्सी

लेखकबाट थप...

कमेन्ट गर्नुहोस्