कात्तिक २०, २०८०
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
बैशाख ७, २०७८
कर्णाली प्रदेश सभामा वैशाख ३ गते बनेको राजनीतिक समीकरणलाई सोमवार लुम्बिनी प्रदेशमा झट्का लागेपछि केन्द्रमा वैकल्पिक सरकार गठनको सम्भावना कमजोर बन्दै गएको छ ।
प्रदेशबाट सहकार्य थालनी गरेका कांग्रेस र माओवादीले केन्द्रमा प्रधानमन्त्री केपी शर्मा ओलीविरुद्ध अविश्वासको प्रस्ताव दर्ताको तयारी गरेका थिए ।
एमालेको माधवकुमार नेपाल पक्षका सांसदले फ्लोर क्रशको ‘प्रतिबद्धता’ जनाएपछि माओवादी र कांग्रेसले सरकारविरुद्ध अविश्वासको प्रस्तावको तयारी गरेको स्रोतको दाबी छ ।
तर, मंगलवारका लागि प्रतिनिधि सभाको बैठक बोलाएको अवस्थामा सोमवार दिउँसोदेखि नै प्रतिनिधि सभाको अधिवेशन अन्त्य भएपछि तत्कालै अविश्वासको प्रस्ताव राख्ने सम्भावना टरेर गएको छ ।
नेपाली कांग्रेसका केन्द्रीय सदस्य डा. नारायण खड्का माआवादी केन्द्रले सरकारलाई दिएको समर्थन फिर्ता लिएपछि नयाँ सिनारियो देखा पर्ने बताए ।
‘माओवादीले सरकारलाई दिएको समर्थन फिर्ता गरेर ओलीले विश्वासको मत लिने अवस्थामा एउटा सिनारियो हुन्थ्यो, तर माओवादीले समर्थन फिर्ता नगर्दासम्म क्लियर भएन,’ खड्काले लोकान्तरसँग भने ।
नेकपा माओवादी केन्द्रका स्थायी कमिटी सदस्य देवेन्द्र पौडेल आफूहरूले सुविचारित ढंगले नै सरकारलाई दिएको समर्थन फिर्ताका लागि ढिलाइ गरिरहेको बताउँछन् ।
‘वैकल्पिक सरकार गठनमा सहमति गरेर प्रधानमन्त्रीविरुद्ध अविश्वासको प्रस्ताव दर्ता गरौं भनेर समर्थन फिर्ता नलिएको हो,’ पौडेलले लोकान्तरसँग भने, ‘हामी अविश्वासको प्रस्ताव र संसद्को अधिवेशन बोलाउनका लागि समावेदन एकैपटक हाल्न पनि सकिन्छ ।’
संसदको अधिवेशन बोलाउनका लागि राष्ट्रपतिसँग समावेदन गर्न सकिने पौडेलले बताए ।
प्रतिनिधि सभामा बहाल एक चौथाइ सदस्यले लिखित हस्ताक्षरसहित आग्रह गरेमा संसद्को विशेष अधिवेशन बोलाउनुपर्ने संवैधानिक बाध्यता छ ।
सोमवार नै एमालेले माधव नेपाल र झलनाथ खनाल पक्षका २७ जना सांसदसँग स्पष्टीकरण सोध्ने निर्णय गरेपछि वैकल्पिक सरकार गठनको सम्भावना थप कमजोर बनेको छ ।
प्रधानमन्त्री एवं अध्यक्ष केपी शर्मा ओलीले नेपाल पक्षका सांसदहरूलाई तीन दिने स्पष्टीकरण सोधेका छन् ।
चित्तबुझ्दो जवाफ नआए वैशाख १० गतेको केन्द्रीय कमिटी बैठकले उनीहरूमाथि कारवाही गरेर सांसद पद नै धरापमा पर्ने खतरा छ ।
ओलीलाई महन्थ–राजेन्द्रको दह्रो साथ
वैकल्पिक सरकार गठनका लागि निर्णायक मानिएको जनता समाजवादी पार्टी (जसपा)को एउटा पक्षले प्रधानमन्त्री एवं एमाले अध्यक्ष केपी शर्मा ओलीलाई दह्रो साथ दिएको छ ।
माधव नेपाल पक्षका सांसदले फ्लोर क्रश गरेपछि अल्पमतमा परेका कर्णालीका मुख्यमन्त्री शाहीले विश्वासको मत जितेका थिए ।
सोही फर्मुला माओवादी–कांग्रेसले लुम्बिनीमा पनि लागू गर्न खोजेका थिए, जसपाको साथ लिएर । जसपाको बाबुराम भट्टराई–उपेन्द्र यादव पक्षका सांसदको समेत हस्ताक्षर लिएर मुख्यमन्त्री पोखरेलविरुद्ध अविश्वासको प्रस्ताव दर्ता गरेपनि एक घण्टामै राजनीतिमा नयाँ ट्वीस्ट आयो ।
सोमवार दिउँसो सवा १ बजे अविश्वासको प्रस्ताव दर्ता गराएका सांसदहरूले ४ बजे मन्त्री पदको शपथ लिए ।
जसपाका ४ सांसदको समर्थनका कारण मुख्यमन्त्री पोखरेलको पद जोगियो ।
‘मुख्यमन्त्रीको पद जोगिनु भन्दा पनि लुम्बिनीको समीकरणको सन्देश महत्त्वपूर्ण छ,’ ओली पक्षका एक केन्द्रीय सदस्यले भने ।
लुम्बिनीमा जसपामा पनि उपेन्द्र यादव पक्षका सांसदले मुख्यमन्त्रीलाई साथ दिएका थिए । त्यसको भोलिपल्ट मंगलवार बालुवाटारमा प्रधानमन्त्री केपी शर्मा ओलीसँग जसपाका नेताहरूले लामो छलफल गरे । जसपाले उठाउँदै आएको माग सम्बोधनसँगै भविष्यमा समेत सहकार्य गरेर अगाडि बढ्ने समझदारी रहेको नेताहरू बताउँछन् ।
‘कार्यदल स्तरमा भएको छलफल र नेताहरूबीच भएको कुराकानीबारे समीक्षा भयो,’ जसपाका ती नेताले लोकान्तरसँग भने, ‘राम्रो र सकारात्मक दिशामा छलफल अगाडि बढिरहेको छ ।’
डा. बाबुराम भट्टराई र उपेन्द्र यादव सहितको एउटा पक्षले कांग्रेस–माओवादीसँग छलफल गरिरहेको छ । महन्थ र राजेन्द्र महतो भने ओलीसँगै सहमति गरेर अघि बढ्ने पक्षमा देखिएका छन् ।
जसपाको एउटा पक्षको ओलीसँग सामिप्यताका कारण जसपाको समेत समर्थनमा वैकल्पिक सरकार गठन गर्ने सम्भावनालाई कमजोर बनाइदिएको छ ।
बदलिँदै संसद्को समीकरण
गुटगत गतिविधिमा लागेको भन्दै एमाले अध्यक्ष एवं प्रधानमन्त्री ओलीले माधव नेपाल पक्षका २७ जना सांसदलाई तीन दिने स्पष्टीकरण सोधेपछि संसद्को समीकरणमा नै फेरबदलको संकेत देखिएको छ ।
‘...तपाईंलाई संघीय संसद्को सदस्य पदबाट किन नहटाउने ?’ भन्दै नेपाल पक्षीय सांसदहरूलाई स्पष्टीकरण सोधिएको छ । उनीहरूले चित्त बुझ्दो जवाफ नदिए वैशाख १० गते बस्ने केन्द्रीय कमिटी बैठकले उनीहरूको सांसद पद निलम्बन गर्ने सम्भावना छ ।
स्पष्टीकरण सोधिएपछि बसेको नेपाल पक्षीय सांसदहरूको भेलापछि नेतृ रामकुमारी झाँक्रीले सांसद पद जाने कुरासँग आफूहरू नडराउने बताइन् । यसको अर्थ नेपाल पक्षका सांसदहरू झुकेर जवाफ दिने मनस्थितिमा छैनन् । माधव पक्षका सांसदहरू निलम्बनमा परे भने संसदको समीकरण नै बदलिन सक्छ ।
‘फ्लोर क्रश’बाट अविश्वासको प्रस्ताव पारित गराउने या सरकार ढाल्ने खेल खत्तम हुनेछ । माओवादीले समर्थन फिर्ता लिएको अवस्थामा प्रधानमन्त्री ओलीले विश्वासको मत लिन नसकेर फेरि संसद् विघटन र अर्ली इलेक्सनमा जाने सम्भावना पनि बढ्न सक्छ ।
सोमवार बसेको पार्टी केन्द्रीय कमिटी बैठकमा एमाले अध्यक्ष ओलीले वर्तमान संसद्ले निकास दिने सम्भावना कमजोर रहेको निष्कर्षसहित कुनैपनि बेला चुनावमा जानुपर्ने भन्दै पार्टी पंक्तिलाई तयारी अवस्थामा रहन आग्रह गरेका थिए ।
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
जाजरकोट केन्द्रबिन्दु भएर गएको शक्तिशाली भूकम्पमा परी कम्तिमा ११९ जनाको मृत्यु भएको छ । जाजरकोट र रुकुम पश्चिमका विभिन्न स्थानमा भूकम्पमा परेर उक्त मानवीय क्षति भएको हो । जिल्ला प्रहरी कार्यालय जाजरकोटका ...
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...