नेकपा एमाले दशौं महाधिवेशन बन्द सत्रको अध्यक्ष मण्डलका अध्यक्ष केपी शर्मा ओलीले भीम रावललाई अध्यक्षमा उम्मेदवारी नदिन आग्रह गरेका छन् ।

सोमवार बिहान सवा ३ बजे बन्द सत्रलाई सम्वोधन गर्दै ओलीले रावललाई उम्मेदवारी नदिन आग्रह गरेका हुन् । 

‘भीम रावलले उपाध्यक्ष नबस्ने र अध्यक्ष लड्ने कुरा राख्नु भएको छ । अध्यक्ष नलड्नुस् भन्दा मानिरहनु भएको छैन । हामी हलबाट भीम रावललाई उम्मेदवारी नदिन आग्रह गछौं,’ ओलीले भने । 

त्यसपछि बोलेका रावलले आफू धेरै अगाडि बढिसकेकाले पछि फर्किन नसक्ने बताए ।

‘यो पार्टीप्रति प्रतिबद्ध छु, निकै अगाडि बढेपछि पछाडि फर्किन गाह्रो छ,’ रावलले भने । 

त्यसपछि ओलीले पदाधिकारीको नाम पढेर सुनाएका थिए ।