कामु प्रधानन्यायाधीशलाई बुझाइयो स्वचालित पेशी व्यवस्थापनसम्बन्धी प्रतिवेदन

सर्वोच्च अदालतमा स्वचालित पेशी व्यवस्थापनका लागि न्यायाधीश हरिकृष्ण कार्कीको नेतृत्वको समितिले शुक्रवार कामु प्रधानन्यायाधीश दीपककुमार कार्कीलाई प्रतिवेदन बुझाएको छ । 

यसअघि भएका अध्ययन प्रतिवेदनहरूसमेत अध्ययन गरेर सुझावसहित प्रतिवेदन समितिले बुझाएको सर्वोच्चका प्रवक्ता विमल पौडेलले जानकारी दिए । 

स्वचालित पेशी व्यवस्थापन लागू हुनुपर्ने सुझाव यसअघि नै दिइए पनि यसको कार्यान्वयन भने भएको थिएन । कार्यान्वयनका लागि समय लाग्ने भन्दै गोलाप्रथाबाट पेशी तोक्ने व्यवस्था गरिएको थियो ।