प्रकाण्डले भेटे प्रधानमन्त्री र गृहमन्त्रीलाई

नेत्रविक्रम चन्द (विप्लव) नेतृत्वको नेपाल कम्युनिष्ट पार्टीका नेता प्रकाण्डले प्रधानमन्त्री शेरबहादुर देउवा र गृहमन्त्री बालकृष्ण खाणसँग भेटवार्ता गरेका छन् ।

प्रधानमन्त्री निवास बालुवाटारमा उनीहरूको भेटवार्ता भएको हो । भेटमा यसअघिको सरकारसँग भएको तीन बुँदे सहमति कार्यान्वयनको बारेमा छलफल भएको बताइएको छ । 

यसअघि फागुन २७ मा पनि नेत्रविक्रम चन्द (विप्लव) र  प्रकाण्डसहितका नेताले प्रधानमन्त्री, गृहमन्त्री र कानूनमन्त्रीसहितलाई एकै पटक भेटेका थिए । 

तत्कालीन प्रधानमन्त्री केपी ओली नेतृत्वको सरकार र विप्लव नेतृत्वको नेपाल कम्युनिष्ट पार्टीबीच सम्झौता भएको थियो । 

नेपाल कम्युनिष्ट पार्टीले सम्झौता कार्यान्वयनको ताकेता गरिरहेको छ ।