स्थानीय तह चुनावका लागि निर्वाचन आयोगले जारी गरेको आचारसंहितामा असन्तुष्टि जनाउँदै नेकपा एमालेले ज्ञापनपत्र बुझाउने भएको छ ।

एमाले महासचिव शंकर पोखरेल सहितको टोली निर्वाचन आयोग पुगेर आचारसंहितामा आएको गलत विषय सुधारका लागि ध्यानाकर्षण गराउन लागिएको एमाले प्रचार विभाग उपप्रमुख विष्णु रिजालले बताए । 

‘निर्वाचन आचारसंहिताको नाममा निर्वाचन आयोगले केही उट्पट्याङ व्यवस्था गरेको छ । त्यसलाई सच्याउन माग गरेर ज्ञापनपत्र बुझाउन निर्वाचन आयोग जान लागेका छौं,’ रिजालले भने ।