नेपाली कांग्रेसले जिल्ला र प्रदेश कार्यसमितिलाई उम्मेदवार सिफारिस गर्दा कुनै किसिमको रकम माग नगर्न निर्देशन दिएको छ । 

उम्मेदवार सिफारिस गर्दा रकम माग गरिएको भन्ने जानकारी आएको भन्दै कांग्रेसले विधान र नियमावलीविपरीत कुनै प्रकारको रकम नउठाउन भनेको हो । 

पार्टीले लिनुपर्ने सदस्यता शुल्क तथा लेबी उठाउन बाँकी भए त्यस्तो रकम भने तत्काल उठाउन कांग्रेसले निर्देशन दिएको छ ।

पार्टी सदस्यले बुझाउनुपर्ने सदस्यता शुल्क र सहयोग रकम (लेबी)बाहेक अन्य कुनै पनि किसिमको रकम लिन/उठाउन नमिल्ने स्पष्ट व्यवस्था भएकाले सो बाहेकको रकम नउठाउन कांग्रेसले भनेको हो ।