पोखरा महानगरको मेयर उम्मेदवार बन्न आकांक्षा राख्दै नेपाली कांग्रेसका १५ जनाले निवेदन दिएका छन् ।

नेपाली कांग्रेस नगर समितिले गरेको आह्वानअनुसार अहिलेसम्म १५ जनाको निवेदन परेको एक नेताले जानकारी दिए ।

प्रदेशका मन्त्री समेत रहेका बिन्दुकुमार थापाले पनि दरखास्त दिएका छन् । प्रदेश सांसद रहेका थापा गण्डकी प्रदेश सरकारको सञ्चार, कानून तथा प्रदेश मामिला मन्त्री छन् ।

गंगाधर पराजुली, डा. परमेश्वर पोखरेल लगायतले पनि निवेदन दिएका छन् ।

मनोनयनका लागि आइतवार ४ बजेसम्मको समय तोकिएकोमा दाबेदारको संख्या बढ्न सक्ने कांग्रेसका एक नेताले बताए ।

वैशाख ३० गते हुने स्थानीय तह निर्वाचनका लागि वैशाख ११ र १२ गते उम्मेदवारी मनोनयनको कार्यक्रम छ । गठबन्धन दलबीच भोलिसम्ममा महानगर र उपमहानगरबीच तालमेल गरेर केन्द्रलाई जानकारी गराउन निर्देशन दिने सहमति भएको थियो ।