सरकारले राष्ट्रपति चुरे तराई मधेश संरक्षण कार्यक्रमअन्तर्गत चुरे क्षेत्रको संरक्षणलाई प्राथमिकता दिने भएको छ।

चुरे क्षेत्रको गुरुयोजना पुनरवलोकन गरी उपल्लो र तल्लो तटीय सम्बन्धका आधारमा चुरे क्षेत्रको एकीकृत संरक्षण तथा विकास गरिने भएको छ।

राष्ट्रपति विद्या देवी भण्डारीले दुवै सदनको संयुक्त बैठकमा आज सरकारको नीति तथा कार्यक्रम पेश गर्दै उक्त कुरा बताएकी हुन् ।

चुरे क्षेत्रको संवेदनशीलतालाई ध्यानमा राखेर ठूलो आयोजना विकास गर्दा वातावरणीय तथा जलाधार संरक्षणमा पर्याप्त ध्यान पुर्‍याइने सरकारको नीति तथा कार्यक्रममा उल्लेख छ ।