ललितपुर महानगरपालिकाको मेयर पदमा पुनः चिरीबाबु महर्जन विजयी भएका छन् । निर्वाचन आयोगका अनुसार महर्जन ४२ हजार ७२२ मत ल्याएर दोस्रो कार्यकालका लागि विजयी भएका हुन् । निकट निकटतम प्रतिद्वन्द्वी नेकपा एमालेका हरिकृष्ण व्यञ्जनकार २४ हजार ५६० मत ल्याएर पराजित बने । 

अघिल्लो निर्वाचनमा महर्जनसँगै झिनो मतान्तरले पराजित व्यञ्जनकारको यसपटक हारको बदला लिने रणनीति असफल बन्यो । बरु उनको नतिजा थप खस्किन पुग्यो । चिरिबाबुसँग हरिकृष्ण विजयी हुनुको साटो १८१६२ मतान्तरले पराजित भएका छन् । 

यस्तै मेयर पदमा राप्रपाका अष्ट महर्जनले ५५५४ मत पाए भने विवेकशील साझा पार्टीका उज्वल कृष्ण महर्जनले १ हजार ५८५ मत पाए । 
मेयरमा काँग्रेसका महर्जन पराजित हुँदा उपमेयरमा भने एमालेकी उम्मेदवार मन्जली शाक्य बज्राचार्य विजयी भइन् । उनले माओवादी केन्द्रका बाबुराम बज्राचार्यलाई पराजित गरेकी हुन् । बाबुराजले १८ हजार ७५२ मत ल्याउँदा मन्जलीले २५ हजार ८८ मत ल्याएर विजयी बनिन् । यस्तै राप्रपाकी स्वर्णिमा शाक्यले ७ हजार ७७८ मत पाइन् भने स्वतन्त्र उम्मेदवार अजरमान जोशीले पनि ७ हजार २० मत पाए । 

ललितपुर महानगरपालिकामा सत्ता गठबन्धनबीच तालमेल हुँदा काँग्रेसले मेयर र माओवादी केन्द्रले उपमेयर पाएको थियो । मेयरमा काँग्रेसका महर्जनले सानदार जित हासिल गर्दा उपमेयरमा भने गठबन्धन असफल बनेको हो ।