तारा एयरको जहाज दुर्घटनामा हालसम्म १४ जनाको शव भेटिएको छ । पहिचान हुन भने बाँकी रहेको नागरिक उड्डयन प्राधिकरणले जनाएको छ । 

आइतवार पोखराबाट जोमसोमका लागि उडेको जहाज दुर्घटनामा परेको थियो । दिनभर विमानको अवस्था पत्ता लगाउन खोजीकार्य जारी राखिए पनि सोमवार मात्रै स्थान लोकेट भएको थियो । विमानमा १९ यात्रु र चालक दलका ३ सदस्य सवार थिए ।

मुस्ताङका प्रमुख जिल्ला अधिकारी नेत्र प्रसाद शर्माले घटनास्थलमा सुरक्षाकर्मी पुगेको जानकारी दिए । उनका अनुसार थाङसाङ–२ मुस्ताङमा दुर्घटनाग्रस्त अवस्थामा विमान भेटिएको हो ।

विमान दुक्राटुक्रा भएको अवस्थामा फेला परेको उनले बताए । यार्सागुम्बा टिप्न गएकाहरूले दुर्घटनाबारे जानकारी गराएपछि उद्धार टोली घटनास्थलमा पुग्न सफल भएको बताइएको छ ।

हाल सम्म १४ जनाको शव भेटिएको र पहिचान हुन बाँकी रहेको छ ।#9NAET Tara Air

— Civil Aviation Authority of Nepal (@hello_CAANepal) May 30, 2022