अर्थमन्त्री जनार्दन शर्माले आगामी आर्थिक वर्षको बजेट चुनावमुखी नभएको बताएका छन् । 

आगामी आर्थिक वर्ष २०७९/८० को बजेटका सम्बन्धमा आयोजित पत्रकार सम्म्मेलनमा उनले बजेट चुनावमुखी नभई विगतकै कार्यक्रमको निरन्तरता भएको बताएका हुन् । 

अर्थमन्त्री शर्माले यो वर्षको बजेटको आकार र वैदेशिक ऋण पनि घटाएको बताएका छन् । यो वर्ष ८ प्रतिशतको आर्थिक वृद्धि  पूरा गर्ने गरी कार्यक्रम राखेको पनि उनको भनाइ छ । 

उनले यो बजेट माओवादी केन्द्र अध्यक्ष पुष्पकमल दाहाल प्रचण्ड, जसपा अध्यक्ष उपेन्द्र यादव, नेकपा (एस) अध्यक्ष माधव नेपालको सुझाव र प्रधानमन्त्री शेरबहादुर देउवाको निर्देशनमा आएको पनि स्पष्ट पारे ।