नेकपा एमालेका नेता तथा पूर्व मन्त्री भीमबहादुर रावलले नेपाली कांग्रेस निकट विद्यार्थीले त्रिभुवन विश्वविद्यालयमा तालाबन्दी गरेकोप्रति असन्तुष्टि जनाएका छन् ।

सामाजिक सञ्जाल ट्विटरमा लेख्दै रावलले बलजफ्ती ताला लगाउँदा गठबन्धन सरकारलाई लाज किन लाग्दैन भनेर प्रश्न गरेका छन् ।

उनले लेखेका छन्, ‘त्रिभुवन विश्वविद्यालयमा कांग्रेसी विद्यार्थीले लामो समयदेखि सत्ताको आडमा ताला लगाएका छन् । यही हो प्रधानमन्त्री देउवा सरकारको विश्वविद्यालयलाई उत्कृष्ट केन्द्र बनाउने भनेको ? शिक्षा र ज्ञान आर्जनको केन्द्रमा बलजफ्ती ताला लगाउँदा गठबन्धन सरकारलाई लाज किन लाग्दैन ? जिम्मेवारीबोध गरिएको खै ?’