गए राति कैलाली, कन्चनपुर र आसपासका क्षेत्रमा भारी वर्षा भएको छ । 

यी क्षेत्रमा भारी वर्षा भएकाले बुधवार बिहान १० बजेसम्म विशेष सतर्कता अपनाउन जल तथा मौसम विज्ञान विभागले सूचना जारी गरेको छ । 

सो क्षेत्रको कान्द्रा, मोहना, खुटिया लगायत नदीमा एक्कासी बाढी आउन सक्ने भन्दै विभागले सावधानी अपनाउन आग्रह गरेको हो । 

यस्तै कान्द्रा नदी कैलालीमा जलसतहले सतर्कता तह  पार गरेको समेत विभागको भनाइ छ । 

विभागले बुधवार ३ बजे सतर्कताका लागि एसएमएस अलर्ट नै जारी गरेको थियो ।