नेपाली बजारमा बिहीवार सुनको भाउमा उल्लेख्य गिरावट आएको छ। 

नेपाल सुनचाँदी व्यवसायी महासंघका अनुसार बुधबारको तुलनामा सुनको भाउ प्रतितोला १ हजार ४ सय रुपैयाँले घटेको हो।

यससँगै छापावाल सुन प्रतितोला ९४ हजार ६ सय रुपैयाँमा झरेको छ। बुधवार छापावाल सुन प्रतितोला ९६ हजार रूपैयाँमा कारोबार भएको थियो। तेजाबी सुनको भाउ पनि प्रतितोला ९४ हजार १ सय रुपैयाँमा आइपुगेको छ। तेजाबी सुन बुधवार ९५ हजार ५ सय रूपैयाँमा कारोबार भएको थियो। 

बिहीबार चाँदीको भाउ भने प्रतितोला १० रुपैयाँले बढेको छ। चाँदी प्रतितोला ११८५ रुपैयाँमा कारोबार भइरहेको छ। बुधवार चाँदी प्रतितोला १ हजार १ सय ७५ रूपैयाँमा कारोबार भएको थियो।