नेकपा (एमाले)का अध्यक्ष एवम् पूर्वप्रधानमन्त्री केपी शर्मा ओलीले दलहरूको आवश्यकता, औचित्य र अपरिहार्यता झनै बढेर गएको बताएका छन् । 

अध्यक्ष ओलीले दलहरूमाथि घृणाभाव फैलाउने प्रयास भइरहेको भन्दै असन्तुष्टि समेत व्यक्त गरे । 

उनले स्थानीय तह निर्वाचनमा उठेका स्वतन्त्र उम्मेदवारप्रति लक्षित गर्दै जान्ने हुनका लागि, ठूलो हुनका लागि पनि राजनीतिक दलहरू र नेताहरूलाई गाली गर्ने प्रवृत्ति आएको भन्दै असन्तुष्टि व्यक्त गरेका छन् । 

मानव अधिकार एलाइन्सले बुधवार काठमाडौंमा आयोजना गरेको एक कार्यक्रममा बोल्दै उनले दलीय प्रणालीको औचित्य, आवश्यकता र अपरिहार्यता आज झन् बढेर गएको र भोलि पनि कायमै रहेको समेत बताए । 

उनले दलहरू भन्दा व्यक्ति निष्पक्ष हुन्छन् भन्ने धारणा सही नभएको पनि स्पष्ट पारे ।