नेकपा एमालेका नेता योगेश भट्टराईले आफ्नै गठबन्धनका उपसभामुख उम्मेदवारलाई भोट नहाली माओवादी केन्द्रका अध्यक्ष प्रचण्ड किन दिल्ली गएको भनेर प्रश्न गरेका छन् । ‘आफ्नै गठबन्धनका उपसभामुखलाई भोट नहाली विदेश भ्रमणमा निस्कनु पर्ने हतारो के परेछ ?’, भट्टराईले प्रचण्डमाथि ट्वीटरमा प्रश्न गरेका छन् । 

‘हिजो गए हतार हुने, भोलि गए ढिलो हुने आजै जानु पर्ने ?’, उनको कटाक्ष छ, ‘नेपालको राजनीतिमा एउटा कहावात छ दिल्ली दुर नही हे ! होकी क्या हो ?’
प्रचण्ड तीन दिने भ्रमणका सिलसिलामा शुक्रबार दिल्ली गएका थिए । उनी गठबन्धनबाट सभामुखको उम्मेदवार बनेकी पुष्पा भुसाललाई मत हाल्न अनुपस्थित थिए । शुक्रबार भएको उपसभामुखको चुनावमा भुसाल एमालेकी विद्या भट्टराईलाई हराउँदै विजयी भएकी थिइन् ।