आज बिहानैदेखि वर्षा, कस्तो रहला दिनभर मौसम ?

मंगलवार बिहान विभिन्न प्रदेशका स्थानहरूमा हल्कादेखि मध्यम वर्षा भइरहेको छ ।

मंगलवार बिहान प्रदेश १, बागमती, गण्डकी, लुम्बिनी, कर्णाली र सुदूरपश्चिम प्रदेशका केही स्थानहरूमा हल्कादेखि मध्यम वर्षा भइरहेको जल तथा मौसम विज्ञान विभागले जनाएको छ।

हाल मनसुनको न्यून चापीय रेखा सरदर स्थान आसपास अवस्थित रहेको विभागको भनाइ छ।

मंगलवार रातिसम्म देशभर आंशिकदेखि सामान्य बदली रहनेछ । 

देशका धेरै स्थानहरूमा   मेघ गर्जन,चट्याङ्ग सहित हल्कादेखि मध्यम वर्षाको सम्भावना रहेको विभागले जनाएको छ ।

गण्डकी र लुम्बिनी प्रदेशका एक वा दुई स्थानमा भारी वर्षाको पनि सम्भावना रहेको विभागको भनाइ छ ।

मंगलवार राति भने गण्डकी, लुम्बिनी, कर्णाली र सुदूरपश्चिम प्रदेशका एक वा दुई स्थानमा भारी वर्षाको पनि सम्भावना रहेको विभागले जनाएको छ।