२० वर्षमुनिको साफ च्याम्पियनसिप फुटबलमा नेपालले भारतसँग लज्जास्पद पराजय बेहोरेको छ । कालिंगा रंगशालामा आइतबार भएको खेलमा नेपाल भारतसँग  ८–० गोल अन्तरले पराजित भएको हो । 

भारतका लागि  पार्थिव सुन्दर गोगोईले दुई गोल गरे भने टाइसन सिंह, हिमान्सु जान्ग्रा, पाथुम गिम्हाना, टन्कधर बाग, मोहमद सुहिब तथा सुभो पाउलले एक–एक गोल गरे ।

अब नेपालले आफ्नो अन्तिम खेलमा बंगलादेशसँग मंगलबार प्रतिस्पर्धा गर्नेछ । यसअघिका समूह चरणका दुई खेल भने नेपालले जितेको थियो ।