टी–२० शृंखलाको पहिलो खेलमा आयरल्यान्ड पराजित बनेको छ । गएराति सम्पन्न खेलमा दक्षिण अफ्रिकाले २१ रनले पराजित गरेको हो । २१२ रनको विजयी लक्ष्य पछ्याएको आयरल्यान्ड निर्धारित २० ओभरमा ९ विकेट गुमाउँदै १९० रनमा समेटियो ।

आयरल्यान्डका लोर्कन टकरले सर्वाधिक ७८ रन बनाउँदा जर्ज डोकरेलले ४३ रन जोडे ।  यसअघि टस जितेर पहिले ब्याटिङ गरेको दक्षिण अफ्रिकाले निर्धारित २० ओभरमा ५ विकेट गुमाउदै २११ रनको योगफल बनायो ।

दक्षिण अफ्रिकाका रिजा हेन्ड्रिक्सले सर्वाधिक ७४ रन बनाए भने एडेन माक्ररमले ५६ रन जोडे । यससँगै शृंखलामा दक्षिण अफ्रिकाले १–० को अग्रता बनाएको छ ।  दोस्रो तथा अन्तिम खेल  शुक्रबार हुने जनाइएको छ ।