निर्वाचन आयोगका प्रमुख निर्वाचन आयुक्त दिनेश थपलियाले प्रतिनिधि सभा तथा प्रदेश सभाको पदावधि मंसिर २१ गते सकिने बताएका छन् । प्रतिनिधि र प्रदेश सभाको पदावधि कहिले सकिन्छ भन्ने विषयमा विवाद भइरहेका बेला हालको प्रतिनिधि सभा र राष्ट्रिय सभाको पदावधि आगामी मंसिर २१ मा सकिने आयोगको बुझाइ रहेको बताए । 

उनले अघिल्लो २०७४ को दोस्रो चरणको निर्वाचन २१ मंसिरमा भएको मितिलाई आधार मानेर सोही अवधिसम्म पदावधि कायम रहने उनले बताएका हुन् । प्रतिनिधि तथा प्रदेश सभा सदस्यको हकमा भने मनोनयन गरेपछि स्वतः पदावधि सकिने उनले बताए । 

निर्वाचन आयोगद्वारा आयोजना गरिएको पत्रकार सम्मेलनमा उनले उक्त कुरा बताएका छन् । यद्यपि, उक्त कार्यकालको व्याख्या आयोगले गर्ने नभएको उनको भनाइ छ । संविधान र निर्वाचन सम्बन्धित कानूनमा रहेको प्रावधान अनुसार निर्वाचित भएको मितिदेखि गणना गर्ने प्रावधानलाई आधार मानेर आयोगले सरकारलाई ५ बुँदे लिखित परामर्श दिएको कुरालाई सरकारले स्वीकार गरेको उनले बताए । 

‘आयोगले निर्वाचनमा समान अवसर समान खले मैदान उपलव्ध गराउने हुनाले उम्मेदवारी मनोनयन गरेको दिनदेखि नै पद स्वतः सकिएको मानिनुपर्दछ भन्ने आयोगको स्पष्ट धारणा छ,’ उनले थपे ।