नेकपा एमालेका उपाध्यक्ष सुवासचन्द्र नेम्वाङले पार्टीका बही खाता बोकेर पार्टी निर्वाचनमा जाने बताएका छन् । 

सरकारले प्रमुख प्रतिपक्ष दलसँग कुनै छलफल समेत नगरी ‘छापामार’ शैलीमा निर्वाचन घोषणा गरेको बताउँदै मंसिर ४ गते हुने निर्वाचनबाट जनताले दूधको दूध पानीको पार्टी छुट्टाउने दावी गरे । 

प्रेस चौतारी नेपाल, रुपन्देहीले बिहीवाार बुटवलमा आयोजना गरेको पत्रकार सम्मेलनमा बोल्नै नेता नेम्वाङ भने, ‘२८ वर्ष सरकार चलाएको कांग्रेस पनि बहीखाता लिएर जनतामा जाओस्, हामी (एमाले) ८ वर्ष सरकार चलाएको पार्टी पनि बही खाता बोकेर जनतामा जान्छौं । त्यसको वास्तविक फैसला जनताले गर्नेछन् ।’

अहिलेको गठबन्धनलाई दुषितको संज्ञा दिँदै नेता नेम्वाङले थपे, ‘यो गठबन्धन संसदीय मूल्य र मान्यता विपरीत छ । यो गठबन्धनसँग एमाले एक्लै चुनाव लडन तयार छ । तर, आवश्यक परे अन्य पार्टीसँग छलफल गरेर गर्न तयार छौं ।’ 

नेम्वाङले प्रतिनिधिसभा विघटनको विषयमा पनि आफूहरूले जनतालाई स्पष्टसँग बुझाउने नेता नेम्वाङको भनाइ छ । जनता र एमालेको दबाबकै कारण सरकारले चुनाव घोषणा गर्न बाध्य भएको बताउँदै उनले जनताको आर्शिवाद आफूहरूलाई हुने बताए । 

अहिलको नेपालको निर्वाचन प्रणालीबाट कुनै पनि पार्टीको बहुमत नआउने उनको भनाइ छ । 

संघीयता खारेजीको विषयमा बाहिर निराधार हल्लाहरू आएको भन्दै उनले एमाले संघीयतालाई बलियो बनाउने गरी निर्वाचनमा जाने स्पष्ट पारे ।

उनले सरकारले राष्ट्र बैकमा गर्भनर महाप्रसाद अधिकारीले अमेरिकाबाट अवैध रुपमा आउन लागेको ४० करोड रुपैयाँ रोकेपछि उनीविरुद्ध प्रहार भएको बताए । 

‘महाप्रसाद अधिकारीले ४० करोड अवैध रकम ल्याउन खोज्दा उहाँमाथि कारवाही भयो । अहिले एम अधिकारी महाप्रसाद होइनन भनेर एमालेले आधिकारिक रुपमा भन्दा पनि हुने भन्ने सरकार पक्षबाट हो भन्ने भनिरहेको छ । हो भने, सरकारले कारबाही गरेर देखाओस् ।’