नेपाली कांग्रेसका सांसद अमरेशकुमार सिंहले संसद् पनि सरकारको लाचार छायाँ बनेको बताएका छन् । व्यक्ति बलियो बन्ने र संस्था कमजोर बन्ने प्रवृत्तिले देश अराजकतामा गएको उनको भनाइ छ । 

प्रधानन्यायाधीश चोलेन्द्रशमशेर जबराविरुद्ध दर्ता भएको महाभियोग प्रस्तावमाथि प्रतिनिधि सभामा आइतवार भएको छलफलमा भाग लिँदै सांसद सिंहले राज्यका हरेक संरचना कमजोर बन्दै गइरहेको बताएका हुन् ।

‘संसद लाचार छायाँ भयो, पछिल्लो समयमा कार्यपालिकाले जसरी प्रयोग ग¥यो, यो कमजोरी भयो । एउटा महाभियोग पास हुनेबित्तिकै देश राम-राज्य बन्छ ? जनताको समृद्धिको सपना पूरा हुन्छ ? भ्रष्टाचार, भाइभतिजा नियुक्तिको कृपावाद अन्त्य हुन्छ ?’ सांसद सिंहले प्रश्न गरे ।
व्यापारी र राजनीतिमा अन्तर नदेखिएको भन्दै उनले ह्वीमको भरमा राजनीति नगर्न आग्रह गरे । ‘राजनीतिलगायत कुनै पनि क्षेत्रमा सिण्डिकेट नचलाऔँ, हरेक संरचना बलियो बनाऔँ’ सांसद सिंहले भने ।