आफूविरुद्ध लागेका अभियोगको सामनाका लागि सर्वोच्च अदालतका प्रधानन्यायाधीश चोलेन्द्रशमशेर जबरा महाभियोग सिफारिस समितिमा पुगेका छन् । बिहीवार दिउँसो पौने १ बजे समितिले चोलेन्द्रसँग बयान शुरू गरेको हो । 

बयानका लागि बिहान ११ बजेदेखि नै संसद् सचिवालयमा पुगे पनि चोलेन्द्र डेढ घण्टाभन्दा बढी बाहिर बसेका हुन् । हातमा संविधानको किताब र तीनवटा फाइल बोकेर चोलेन्द्र महाभियोग सिफारिस समितिसँग प्रस्तुत भएका छन् । चोलेन्द्रसँग सोध्न समितिले ४३ वटा प्रश्न तयार गरेको छ । महाभियोग दर्ता गर्दा लगाइएको अभियोग सम्बन्धमा चोलेन्द्रले लिखित रूपमा पेश गर्ने तयारी गरेको स्रोतले बतायो । 

चोलेन्द्रसँगको बयानका क्रममा मिडियालाई भने बाहिर राखिएको छ ।