नेकपा माओवादी केन्द्र मोरङ क्षेत्र नम्बर ६ ले उम्मेदवारको नाम सिफारिस गरेको छ ।

क्षेत्रीय कमिटीको बुधवार बसेको बैठकले प्रतिनिधि सभामा केन्द्रीय सदस्य हेम कार्कीको नाम सिफारिस गरेको छ भने प्रदेश सभामा ३ जनाको नाम सिफारिस गरेको छ ।

प्रदेशसभा ६(१) मा ३ जनाको नाम सिफारिस गरिएको छ । जसमा जीवन आचार्य, प्रभाद घिमिरे ‘विनोद’ र दुष्यन्त भट्टराई रहेका छन् ।

सिफारिस भएका जीवन पार्टी अध्यक्ष पुष्पकमल दाहाल ‘प्रचण्ड’का छोरीज्वाइँ हुन् । अघिल्लोपटक एकल नाम सिफारिस भएपछि परिवारवादको आरोप लागेको थियो, यसपटक ३ जनाको नाम सिफारिस भएको छ ।