सरकारले बेलायती महारानी एलिजावेथ द्वितीयको निधनप्रति ३ दिन शोक मनाउने निर्णय गरेको छ । शुक्रवार बसेको मन्त्रिपरिषद् बैठकले शोक मनाउने निर्णय गरेको हो । 

संयुक्त अधिराज्य बेलायतकी महारानी एलिजावेथ द्वितीयको ९६ वर्षको उमेरमा बिहीवार निधन भएको थियो । उनको निधनप्रति नेपाल सरकारले गहिरो दुःख व्यक्त गर्दै स्वर्गीय महारानीको दिवंगत आत्माको चिरशान्तिको कामना गरेको छ । मन्त्रिपरिषद्ले यस दुखःद् घणीमा बेलायत सरकार, बेलायती जनता एवं शोक सन्तप्त बेलायती राजपरिवारप्रति समवेदना पनि प्रकट गरेको छ । 

बैठकले दिवंगत महारानीको सम्मानमा शनिवारदेखि सोमवारसम्म (भदौ २५ देखि २७ गतेसम्म) तीन दिन शोक मनाउने र नेपालभरका सरकारी कार्यालयहरू एवं विदेशस्थित नेपाली राजदूतावास र नियोगहरूमा राष्ट्रिय झण्डा आधा झुकाउने निर्णय गरेको छ ।