परराष्ट्रमन्त्री डा. नारायण खड्का आइतवार बेलायत जाने भएका छन् । उनी त्यहाँकी दिवंगत महारानी एलिजावेथ द्वितीयको श्रद्धान्जली सभामा भाग लिन बेलायत जान लागेको परराष्ट्र मन्त्रालयले जानकारी दिएको छ । 

मन्त्रालयले शनिवार विज्ञप्ति जारी गर्दै परराष्ट्रमन्त्री डा. खड्काको भ्रमणबारे जानकारी दिएको हो । बेलायत भ्रमणका क्रममा उनले श्रद्धान्जली सभामा सहभागिता जनाउनुका साथै शोक पुस्तिकामा हस्ताक्षर गर्ने कार्यक्रम छ । 

त्यस्तै, परराष्ट्रमन्त्री खड्काले बेलायतका नवनियुक्त राजा चार्ल्स तृतीयको रिसेप्सनमा पनि सहभागिता जनाउनेछन् । 

उनी आगामी बुधवार स्वदेश फर्कने कार्यक्रम छ ।