चर्चित गायक मुरलीधर राप्रपामा प्रवेश गरेका छन्। 

राप्रपा अध्यक्ष राजेन्द्र लिङ्देनले पार्टी केन्द्रीय कार्यालयमा उनलाई पार्टीमा स्वागत गरेको पार्टी प्रवक्ता मोहन श्रेष्ठले जानकारी दिएका छन् । 

'उडायो सपना सबै हुरीले', 'निष्ठुरीले माया गरी आफैंलाई रोगी बनायो', 'पहाडको पल्लो डाडामा छ सानो गाउँ' जस्ता दर्जनौं चर्चित गीतमा स्वर भरेका मुरलीधर राप्रपामा प्रवेश गरेका हुन् । 

उदितनारायण झासंग संयुक्त आवाजमा मुरलीधरले 'आमैले भन्थे धाराको पानी' जस्ता लोकलयमा आधारित गीत समेत गाएका छन् ।

मुरलीधर सिराहाको क्षेत्र नं २ वा क्षेत्र नं ४ मा राप्रपाबाट प्रतिनिधिसभाको प्रत्यक्ष निर्वाचनको उमेदवार बन्ने भएका छन् । अध्यक्ष लिङ्देनले मुरलीधर जस्तो लोकप्रिय गायकलाई राप्रपामा स्वागत गर्दा आफू उत्साहित भएको बताएका छन् ।