बलिउड चलिचत्र 'ब्रह्मास्त्र पार्ट १: शिव'ले बक्स अफिसमा तेस्रो साता पनि आक्रामक व्यापार गरेको छ । 

बक्स अफिस इन्डियाको रिपोर्ट अनुसार फिल्मले शुक्रवार मात्रै करीब ८.५० करोड भारतीय रुपैयाँ (भारु) कमाइ गरेको छ । 

जुन फिल्मको कुल कमाइ २०२ करोड भारू नजिक रहेको बताइएको छ । 

तेस्रो शुक्रवार बाहुबलीपछिकै दोस्रो उच्च संख्याले चलचित्र हेरेको भारतीय सञ्चारमाध्यमहरूले बताएका छन् । 

फिल्म ‘ब्रह्मास्त्र’मा बलिउड अभिनेता रणबीर कपूर मुख्य भूमिकामा छन् । 

यो चलचित्र चर्चित फिल्म निर्माता अयान मुखर्जीले लेखेका हुन् ।

चलचित्रमा उत्कृष्ट सहायक कलाकारहरू पनि छन् र यसमा आलिया भट्ट, अमिताभ बच्चन, मौनी रोय र नागार्जुन जस्ता नामहरू समावेश छन्।

भाग १ मा बलिउड सुपरस्टार शाहरुख खानको क्यामियो पनि छ । उनले फिल्ममा वैज्ञानिकको भूमिका निभाएका छन् । 

‘ब्रह्मास्त्र’ सेप्टेम्बर ९ मा रिलिज भएको थियो र समीक्षकको मिश्रित प्रतिक्रिया पाए पनि यसले सर्वसाधारणको मन जित्न सफल भएको भारतीय सञ्चारमाध्यमहरूको भनाइ छ ।