पूर्वप्रधानमन्त्री एवम् नेपाल समाजवादी पार्टीका अध्यक्ष डा.बाबुराम भट्टराईले चुनाव नजिकिँदै गर्दा नेपाली राजनीति पातालतिर धसिँदै गएको टिप्पणी गरेका छन् । 

जसपा अध्यक्ष उपेन्द्र यादवले सत्ता गठबन्धन तोडी नेकपा एमालेसँग गठबन्धनका लागि छलफल अगाडि बढाएपछि डा.भट्टराईले यस्तो टिप्पणी गरेका हुन् ।

'एक थान चुनावी सिटका लागि घोषित सिद्धान्त,आदर्श सबै त्यागेर र जनताको वलिदानलाई लात हानेर दलबदल र कित्ता परिवर्तन गर्नु राजनीतिलाई फगत व्यापारमा झार्नु नै हो,' उनले भनेका छन् ।

डा. भट्टराईले  अवसरवादको अँध्यारोमा निष्ठाको जुनकिरी बन्ने साहस गर्न आग्रह गरेका छन् । 

चुनाव नजिकिदै गर्दा नेपाली राजनीति पातालतिर धसिदै जानु अति दुःखद छ।एक थान चुनावी सिटकालागि घोषित सिद्धान्त,आदर्श सबै त्यागेर र जनताको वलिदानलाई लात हानेर दलबदल र कित्ता परिवर्तन गर्नु राजनीतिलाई फगत व्यापारमा झार्नु नै हो! यो अवसरवादको अॅध्यारोमा निष्ठाको जुनकिरी बन्ने साहस गरौं!

— Baburam Bhattarai (@brb1954) October 6, 2022