रुपन्देही क्षेत्र नम्बर ५ मा नेकपा एमालेले प्रदेश कमिटी सदस्य वासुदेव घिमिरेलाई उम्मेदवार बनाएको छ । 

युवा नेता खिमलाल भट्टराई राष्ट्रिय सभामै रहने पार्टीले निर्णय गरेपछि घिमिरेलाई क्षेत्र नम्बर ५ बाट प्रतिनिधि सभातर्फ उम्मेदवार बनाएको एमाले उपाध्यक्ष विष्णु पाैडेलले जानकारी दिए । घिमिरे तिलोत्तमा नगरपालिकाका निर्वतमान मेयर पनि हुन् ।

घिमिरे यसअघि रूपन्देही क्षेत्र नं ३ बाट सिफारिस भएका थिए । क्षेत्र नं ५ मा यसअघि राष्ट्रिय सभाका प्रमुख सचेतक खिमलाल भट्टराईको नाम एकल सिफारिस भए पनि राष्ट्रिय सभामा उनको कार्यकाल बाँकी रहेकाले पार्टीले उनलाई रोकेको हो ।