बहुपति प्रथामाथि बनेको नेपाली फिल्म ‘टुल्की’ले प्रदर्शन मिति घोषणा गरेको छ । यो फिल्म चैत ३ गतेबाट प्रदर्शनमा आउने भएको छ । 

आइतवार एक पोष्टर सार्वजनिक गर्दै निर्माण टिमले प्रदर्शन मिति घोषणा गरेको हो ।

सार्वजनिक पोष्टरमा फिल्मका मुख्य कलाकारहरू शिशिर वाङ्देल र स्वस्तिमा कार्कीलाई प्रस्तुत गरिएको छ । 

हिमाली क्षेत्रमा प्रचलित बहुपति प्रथामा आधारित यस फिल्म ‘द पाल्म ग्रुप प्रा.लि’को ब्यानरमा निर्माण गरिएको हो । 

देवजङ्ग थापाको निर्देशन रहेको फिल्ममा शिशिर र स्वस्तिमाका साथमा सोफिया लिम्बू, नरेन्द्र तामाङ, सोम लामा, शेखर लामा, सौजन सुब्बा, भक्तसिंह कठायत, रत्नप्रसाद न्यौपाने लगायतका कलाकारको अभिनय छ । शेखर लामाको प्रस्तुति रहेको फिल्मको निर्माता आरपी कर्माचार्य र उजेली लामा हुन् । 

लक्ष्मण सुनारको कथा, शेखर लामाको पटकथा रहेको फिल्मलाई सुशील अधिकारी र नमराज घिमिरेले छायाँकन, तारा थापा ‘किम्भे’ले सम्पादन गरेका हुन् ।

फिल्मको टिजर गतवर्ष नै सार्वजनिक गरिएको थियो, जसलाई दर्शकहरुले रुचाएका छन् ।