नीता-हरिहरको चलचित्रमा जोडिइन् गरिमा शर्मा

नीता ढुंगाना र हरिहर अधिकारीले निर्माण गर्न लागेको चलचित्र ‘ह्रस्वदीर्घ’मा मोडल गरिमा शर्मा पनि जोडिएकी छिन् ।

निर्माण टिमले आइतवार उनलाई चलचित्रमा स्वागत गरेको हो ।

म्युजिक भिडियोमा जमेकी गरिमाले ‘लण्डन टु पेरिस’बाट चलचित्रमा डेब्यू गरेकी हुन् । ‘ह्रस्वदीर्घ’ उनको दोस्रो चलचित्र हुनेछ ।

नीता फिल्मसको ब्यानरमा चन्द्र पन्तको निर्देशन रहने चलचित्रमा यसअघि सरोज खनाल, सलोन बस्नेत, नीता ढुंगाना, हरिहर अधिकारी, विपनाथापासँगै प्रदीप रावत, ब्रम्हानन्द लगायतका भारतीय कलाकारहरू समेत तय भइसकेका छन् । चलचित्रमा कलाकारका रुपमा गरिमालाई स्वागत गर्न पाउँदा आफूहरू उत्साहित रहेको नीताले बताएकी छिन् । 

फेब्रुअरी १ देखि भारतको हैदराबादस्थित रामोजी स्टुडियोबाट चलचित्रको छायाँकन सुरु गरिने जनाइएको छ । चलचित्रलाई तीन चरणमा छायाँकन गर्ने निर्माण टिमको तयारी छ ।