उपप्रधान एवं अर्थमन्त्री विष्णुप्रसाद पौडेलले अर्थतन्त्रमा केही समस्या भए पनि काबु बाहिर भने नभएको बताएका छन् । पोखरा अन्तर्राष्ट्रिय विमानस्थल उद्घाटन समारोहलाई सम्बोधन गर्दै उनले अर्थतन्त्रलाई सुदृढ गर्न सकिने विश्वास व्यक्त गरे । 

अर्थमन्त्री पौडेलले पोखराको सुन्दरतामा पर्यटनको ओइरो लागोस् र अन्तर्राष्ट्रिय उडान छिट्टै होस् भन्ने कामना पनि गरे । उनले पोखरेलीको चाहना पूरा भएको बताउँदै उनीहरूको अथक प्रयासको सराहना गरे । 

‘यो विमानस्थलको भरपुर सदुपयोग हुनुपर्छ र विमानस्थलमा उडान गर्न क्यानलाई चाहिने सहयोग उपलब्ध गराउन सरकार तयार छ’, उनले भने, ‘अब पोखरा लुम्बिनी र चितवनसम्म जोडिनुपर्छ । पोखरालाइ लुम्बिनीसँग जोडिने छ । अन्तर्राष्ट्रिय विमानस्थल मात्र होइन, थप आकर्षक गन्तव्य बनाएर जानुपर्छ ।’

अर्थमन्त्री पौडेलले सरकारको एजेन्डा विकास र समृद्धि भएको बताए ।