नेपाली कांग्रेसका सभापति एवं संसदीय दलका नेता शेरबहादुर देउवाले प्रतिनिधिसभा विघटनका सम्बन्धमा एमाले अध्यक्ष केपी शर्मा ओलीले सोमवार संसदमा दिएको अभिव्यक्तिप्रति आपत्ति जनाएका छन् । 

प्रधानमन्त्री पुष्पकमल दाहाल ‘प्रचण्ड’ले राखेको विश्वासको मत माग्ने प्रस्तावमाथिको छलफलमा भाग लिँदै मंगलवार प्रतिनिधि सभाको बैठकमा ओलीको अभिव्यक्तिको आपत्ति जनाएका हुन् ।

‘एमाले अध्यक्ष केपी ओलीको सम्बोधनप्रति गम्भीर ध्यानाकर्षण भएको छ । फेरि पनि संसद् विघटनको कुरा गर्नुभएको छ । हिजोका दिनमा वर्तमान प्रधानमन्त्रीसहित एक ठाउँमा उभिएका थियौं । सत्ता घटकले चुनौती दिएको परिप्रेक्षमा प्रधानमन्त्रीका लागि पनि यो परीक्षाको घडी छ,’ देउवाले भने । 

सोमवारको संसदमा सम्बोधनमा ओलीले प्रतिनिधिसभा विघटन प्रतिगमन नभएको जिकिर गरेका थिए ।