मंसिर १३, २०८०
गायिका भूमिका गिरी र गायक प्रकाश दूतराजको सहकार्य रहेको दोस्रो गीत पनि करोड क्लबमा प्रवेश गरेको छ । उनीहरुले सहकार्य गरेको ‘देउरालीमा...’ बोलको गीतलाई युट्युबमा १ करोडभन्दा बढी पटक हेरिएको हो ।...
आइतवार पोखरामा भएको यती एयरलाइन्सको विमान दुर्घटनामा लोकदोहोरी गायिका निरा छन्त्यालको पनि मृत्यु भएको छ ।
दुर्घटनामा विमानमा सवार ६८ जनाको मृत्यु पुष्टि भएको जानकारी नेपाल नागरिक उड्डयन प्राधिकरणले दिएको छ ।
गायिका निराको मृत्यु भएको खबर उनको पारिवारिक स्रोतले पुष्टि गरेको हो ।
मृत्यु हुनेहरूको शव पोखरास्थित गण्डकी प्रादेशिक अस्पतालमा राखेर सनाखत गरिएको छ ।
यात्रुका आफन्त तथा परिवारका सदस्यलाई देखाएर शवको सनाखत गरिएको छ ।
अस्पतालमा रहेका गायिका निराका आफन्त गोविन्द पुनले भने, – ‘भर्खर ३० जनाको शव ल्याएको थियो । त्यसमा निराको छैन । फेरि ३२ जनाको ल्याउँदैछ ।’
उनले अगाडि थपे, ‘भित्र गएर शव पहिचान गर्न पनि गाह्रो छ । कोहीको टाउको नै छैन । कोहीको आधा अनुहार नै छैन । कोहीको शरीर एकदमै डढेको छ । ति शवहरू देख्दा निराको कस्तो अवस्थामा होला भन्ने कुराले एकदमै आत्तिएको छु ।’
निराकी दिदी हिरा छन्त्यालका अनुसार बहिनीले बिहान १० बजे काठमाडौं एयरपोर्टबाट आमालाई फोन गरेर पोखरा जाँदैछु भनेकी थिइन् ।
हिराले भनिन्, ‘पोखरा पुगेर आधा घण्टामा फोन गर्छु है भनेकी रहिछन् । तर, त्यसपछि उनको फोन आएन ।’
विमान दुर्घटनामा परेको खबर आएपछि निराका बुवालगायत आफन्त बागलुङबाट पोखरातर्फ जाँदै गरेको उनले बताइन् ।
गायिका निरा माघे सङ्क्रान्तिको अवसरमा आइतवार पोखरामा आयोजित एक कार्यक्रममा सहभागी हुन प्रस्थान गरेकी थिइन् ।
नेपाल छन्त्याल युवा संघ जिल्ला समिति कास्कीले कार्यक्रमको आयोजना गरेको थियो । यद्यपि, उनी चढेको विमान दुर्घटनामा परेको खबरसँग कार्यक्रम स्थगित गरिएको आयोजक संस्थाले जनाएको छ । गायिका निराले पोखरा उडनुअघि तस्वीर पोष्ट गर्दै माघे सङ्क्रान्तिको शुभकामना दिएकी थिइन् ।
उनले शनिबार काठमाडौंमा समेत साङ्गीतिक प्रस्तुति दिएकी थिइन् । काठमाडौंको कार्यक्रमका तस्विर राख्दै उनले लेखेकी थिइन् ‘अब भोलि पोखरामा रमाइलो गर्नुपर्छ ।’ बागलुङकी उनले स्वर दिएका केही लोकदोहोरी गीतहरू स्रोता दर्शकहरूले रुचाएका छन् । यस वर्ष तीजमा समेत उनले नयाँ गीत ल्याएकी थिइन् । लाइभ दोहोरी गायनमा पनि उनी सक्रिय थिइन् ।
गायिका भूमिका गिरी र गायक प्रकाश दूतराजको सहकार्य रहेको दोस्रो गीत पनि करोड क्लबमा प्रवेश गरेको छ । उनीहरुले सहकार्य गरेको ‘देउरालीमा...’ बोलको गीतलाई युट्युबमा १ करोडभन्दा बढी पटक हेरिएको हो ।...
गायक हेमन्त शर्मा आइतबार पाल्पाली दर्शकमाझ प्रस्तुत हुँदैछन् । माथागढी गाउँपालिकाको सराइमा जारी महोत्सवमा पुगेर उनले प्रस्तुति दिन लागेका हुन् । उनीसँगै अहिलेकी चर्चित गायिका समीक्षा अधिकारी पनि महोत्सवमा आकर्...
नारायण रायमाझी निर्देशित चलचित्र ‘परदेशी २’को प्रदर्शन नेपालमा अझै जारी छ । चलचित्रले शनिवार प्रदर्शनको ५१ दिन पूरा गर्दैछ । प्रकाश सपूत, केकी अधिकारी र वर्षा शिवाकोटी स्टारर यो चलचित्र...
‘लुट’ र ‘टलकजंग भर्सेस टुल्के’जस्ता प्रशंसित चलचित्रका निर्देशक निश्चल बस्नेतको चलचित्र ‘दिमाग खराब’ दोस्रो सातामा प्रदर्शन भइरहेको छ । २०७३ मा ‘लुट– २’...
हास्य कलाकार जोडी सीताराम कट्टेल ‘धुर्मुस’ र कुञ्जना घिमिरे ‘सुन्तली’ स्टेज शोमा फर्किएसँगै मेला–महोत्सवमा खोजिन थालेका छन् । अघिल्लो शनिवार कास्कीको लेखनाथ महोत्सवमा प्रस्तुति द...
‘चिसो हावाले’ बोलको गीत युट्युबमा सार्वजनिक गरिएको छ । आइतवार बेलुका अकलादेवी म्युजिकको अफिसियल युट्युब च्यानलबाट सार्वजनिक गीतमा सुरज अगस्ती, लक्ष्मी खड्का र ध्रुव रेग्मीको स्वर छ । ...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...