अभिनेता हरिवंश आचार्यले वरिष्ठ आँखारोग विशेषज्ञ डा. सन्दुक रुइतलाई राष्ट्रपति बनाउन प्रस्ताव गरेका छन् ।

रुइतलाई राष्ट्रपति बनाउँदा नेपालको नै प्रतिष्ठा बढ्ने उनले बताएका छन् । 

सामाजिक सञ्जालमा स्टाटस लेख्दै आचार्यले रुइतले नेपालीको मात्र नभई संसारकै दृष्टिविहीनलाई उज्यालो छरेको बताएका छन् ।

हरिवंशको स्टाटसमा एक हजार बढी प्रतिक्रियाहरू आएका छन्, जसमा अधिकांशले सहमत जनाएका छन् ।

रुइतसँग मदनकृष्ण र आफू संगै भएको तस्वीर सेयर गर्दै हरिवंशले लेखेका छन्, ‘मनमा कुरा घुमिरहन्छ । यो देशको अबको राष्ट्रपति नेत्र विशेषज्ञ डा. सन्दुक रुइतलाई बनाउन पाए नेपालको नै प्रतिष्ठा बढ्ला । जसले नेपालीको मात्र नभई संसारकै ज्योतिविहीनहरुको आँखामा उज्यालो छर्न सक्नुभयो र नेत्रज्योतिको क्षेत्रमा आफ्नो अनुसन्धान संसारकै लागि उपयोगसिद्ध सावित गर्नुभयो । त्यसको मूल्यांकन गरी उहाँलाई  संसारले नै सम्मान गरिरहेको छ । यसै अन्तर्गत उहाँलाई बहराइन सरकारले दश लाख डलरको इसा अवार्डबाट सम्मान गर्ने निर्णय गरेको समाचार सुन्दा मन हर्षित भएको छ ।’