सांसद मेटमणि चौधरीले प्रतिनिधि सभा बैठकमा प्रधानमन्त्रीहरूले भ्रष्टाचार ढाकछोप गरिरहेको आरोप लगाएका छन ।

आफूहरूले संविधानलाई सर्वोच्च स्थानमा राख्ने काम गरे पनि सांसदहरू भ्रष्टाचारमा लागेका र कतिपय प्रधानमन्त्रीहरू नै त्यस्ता भ्रष्टार ढाकछोपमा लागिपरेका भन्दै चिन्ता व्यक्त गरे। 

उपसभामुखमा मुक्ताकुमारी यादवलाई समर्थन गर्न पुगेका यादवले विगतमा राष्ट्रपतिसँग समय मिलाएर प्रधानमन्त्रीले संविधान उल्लघंन गरेको बताए।

संसदमा कुतर्क गर्नेहरूलाई ४७ सालको र ७२ को संविधानको कोचिङ क्लास व्यवस्था गर्नुपर्ने उनले बताए। 

संविधानको धारा र उपधारा सम्झाउँदै उनले राम्रोसँग पढाउने र त्यसका मर्म र भावना सांसदहरूलाई सिकाउनुपर्ने बताए। 'प्रतिनिधिसभामा कोचिङको कक्षा व्यवस्था छैन भने मेरो तलब सुविधाबाट काटेर कुतर्क गर्नेहरूलाई राम्रोसँग पढाउन म अनुरोध गर्न चाहन्छु,' सांसद चौधरीले भने।  

नेपालको संविधान अफ्ठ्यारो अवस्थाहा रहेको भन्दै उनले यस्तो लोकतान्त्रिक यो व्यवस्था अन्तिम पटक हुन सक्ने चिन्ता जनाए। पूर्वप्रधानमन्त्री केपी ओलीलाई लक्षित गर्दै उनले अहिले पनि संसदमा त्यस्ता व्यक्ति हुन्जेल नेपालको संवैधाननिक व्यवस्था धुजाधुजा हुने बताए।