दक्षिण भारतीय अभिनेता सुधीर वर्माले ३३ वर्षको उमेरमा आत्महत्या गरेका छन् ।

प्रहरीका अनुसार जनवरी १० मा उनले विष खाएर आत्महत्या गर्ने प्रयास गरेका थिए । 

स्वास्थ्य बिग्रिएपछि उनी हैदराबादस्थित आफन्तको घरमा गएर विष सेवन गरेको बताए । त्यसयता हैदरावादको उस्मानिया अस्पतालमा उनको उपचार भइरहेको थियो। सुधीर केही समयदेखि डिप्रेशनमा थिए । 

स्वास्थ्य बिग्रिएपछि उनलाई जनवरी २१ मा विशाखापट्टनमको एक निजी अस्पतालमा भर्ना गरिएको थियो । उनको उपचार त्यहीँ चलिरहेको थियो । उनको हिजो अर्थात २३ जनवरीमा निधन भएको थियो । अभिनेता सुधाकर कोमकुलाले सामाजिक सञ्जालमा तस्विर शेयर गर्दै यसबारे जानकारी दिएका हुन् ।