खाना पकाउने ग्यास सिलिन्डर आगलागीको घटनामा घाइते भएका कांग्रेस नेता चन्द्र भण्डारीको उपचार जारी रहेको छ । भारतको मुम्बईमा भण्डारीको खुट्टाको सर्जरी गरिएको छ । तर, यसअघि गर्ने भनिएको दोस्रो सर्जरी हुन सकेको छैन । 

उनको उपचारमा संलग्न डा मुकेशका अनुसार शुक्रबार पहिलो सर्जरी गर्दा दायाँ खुट्टामा डिप इन्जुरी रहेको कारण सोचे भन्दा धेरै समय लागेको थियो ।   अव्जरवेसन पनि कम्तीमा १–२ घण्टा राख्नु पर्ने नियम रहेकाले तत्काल दोस्रो अपरेसन हुन नसकेको उनको भनाइ छ । 

शनिबार बिहानको अपडेटअनुसार अहिले सबै पारामिटर नर्मल रहेको छ ।  यद्यपि फोक्सोको तल्लो भागमा कार्वनमोनोअक्साईडको मात्रा देखिएको चिकित्सकहरूले बताएका छन् । हाल तल्लो भागमा मात्र यो रहेकाले हृदयमा असर नपर्ने चिकित्सकहरुको भनाइ छ ।