राप्रपा निकट राष्ट्रिय प्रजातान्त्रिक युवा संगठनको राष्ट्रिय भेला फागुन १३ र १४ गते काठमाडौंमा हुने भएको छ ।

शनिवार राप्रपा अध्यक्ष एवं उपप्रधानमन्त्री राजेन्द्र लिङ्देनले काठमाडौंको एस आर बैंक्वेटमा राष्ट्रिय भेलाको उद्घाटन गर्ने कार्यक्रम रहेको संयोजित संगठनका प्रमुख, महामन्त्री राजेन्द्र गुरुङले जानकारी दिए ।

देशका सबै जिल्लाबाट छानिएर आएका ३०० जनाभन्दा बढी प्रतिनिधिले महाधिवेशनको मिति तय गर्ने, महाधिवेशन आयोजक समिति बनाउने, विधानमा संशोधन गर्नेछन् । भेलाले युवाका मुद्दा, राप्रयुसंले उठाउनुपर्ने विषयको पहिचान गरी आवश्यक कार्यदिशा तय गर्ने बताइएको छ ।

राप्रपाको हालै मात्र विद्यार्थी संगठनको राष्ट्रिय भेला समेत सम्पन्न भइसकेको छ । राप्रपाले आफ्नो भातृ संगठनको सबलीकरण, पुनः संरचना र देशभक्त राष्ट्रवादी आन्दोलनमा नयाँ ढंगबाट अघि बढाउने नीति लिएको प्रवक्ता मोहन श्रेष्ठ दाबी गरेका छन् ।