फागुन १८, २०८०
वैशाखमा प्रदर्शनमा आउने तयारीमा रहेको फिल्म ‘डिग्री माइला’को टिजरलाई लिएर अर्बपति विनोद चौधरीले प्रतिक्रिया दिएका छन् । उक्त फिल्मको केही दिनअघि सार्वजनिक टिजरलाई लिएर चौधरीले प्रतिक्रिया दिएका हुन् ...
हामीकहाँ अक्सर लभस्टोरी, एक्सन र सामाजिक चलचित्रहरू नै बढी मात्रामा बन्दै आएका छन् ।
यस्तोमा राजनीतिक चलचित्र भने नेपालमा विरलै बन्छन् । कथाभित्र कताकति थोरै समावेश गरे पनि राजनीतिलाई नै मुख्य विषयवस्तु बनाएका चलचित्रहरु दुर्लभै छन् ।
शुक्रवारदेखि प्रदर्शनमा आएको मल्टिस्टारर ‘छक्का पञ्जा ४’ त्यसैमध्येको एक चलचित्र हो, जुन शतप्रतिशत राजनीतिक विषयवस्तुमा आधारित छ ।
गाउँबाट शहर आएका काजीसाप अर्थात् निर्भय सिंह (नीर शाह) पार्टीको अध्यक्षसँगै चार–चार पटक सांसद बनिसकेका छन् ।
उनको छोरा–बुहारी र नातिको परिवार छ । ‘राजा’ नामबाट परिचित छोरा दिग्विजय सिंह (दीपकराज गिरी) गुण्डागर्दीमा सक्रिय छ । लामो कपाल, अघिपछि पाँच–सात जना लिएर हिँड्ने उसको दैनिकी कुटपिट र झै–झगडा गर्नुमा बित्छ ।
छोराको गुण्डागर्दीका कारण पार्टीभित्र बुवाले समेत गुनासो खेप्दै आइरहेका छन् ।
देशमा प्रतिनिधिसभाको चुनाव नजिकिँदो छ । निर्भय सिंह अन्तिमपटक चुनाव लड्ने तयारीमा छन् । सोहीबखत उनी अचानक बिरामी भएपछि बनेको परिस्थितिका कारण गुण्डागर्दीमा सक्रिय राजा अनायासै राजनीतिमा होमिनुपर्ने हुन्छ ।
राजनीतिमा कहिल्यै लाग्दिनँ भनेका उनी बुवाको अन्तिम इच्छाका खातिर आफ्नो लामो कपाल काटेर राजनीतिमा पाइला चाल्छन् ।
दिग्विजय उम्मेदवार बनेर आफ्नो निर्वाचन क्षेत्रमा पुग्छन् । बाल्यकालका दुई साथी सन्जेल (केदार घिमिरे) र बुद्धि (बुद्धि तामाङ)को साथले राजाले चुनाव जित्छन् पनि ।
अब, सांसद बनेपछि उनले कसरी काम गर्छन् ? गुण्डागर्दीलाई अँगालेरै अगाडि बढ्छन् कि उनको बानीबेहोरामा परिवर्तन आउँछ ? जनताबाट कस्तो प्रतिक्रिया पाउँछन् ? पार्टीभित्र कत्तिको ‘छक्कापञ्जा’ हुन्छ ? २ घण्टा ३० मिनेट लामो चलचित्र यसकै वरिपरि घुम्छ ।
अघिल्ला सिरिजमा वैदेशिक रोजगारीले निम्त्याएको समस्या, युवापुस्ताको विदेश मोहदेखि सरकारी विद्यालयभित्र हुने बेथितिको कथा उठाएका दीपकराज गिरी र दीपाश्री निरौलाले यसपटक राजनीतिलाई मूल कथा बनाएका हुन् ।
राजनीतिलाई लिएर जनतामा देखिएको फ्रस्ट्रेसन, राजनीतिभित्रको विकृति अनि त्यहाँभित्र हुने ‘छक्कापञ्जा’ नै चलचित्रको कथा हो ।
राजनीतिलाई मुख्य कथा बनाए पनि यसभित्र मायाप्रेम, रोमान्स, सरकारी कार्यालयमा हुने कर्मचारीहरुको ढिलासुस्ती, घुसखोरीदेखि वैदेशिक रोजगारीमा जाँदाको झन्झटसम्मलाई प्रस्तुत गरिएको छ ।
सामाजिक सञ्जालका कारण मानिस कसरी रातारात जनतामाझ हिरो बन्न सक्छन् भन्ने समसामयिक कुरालाई पनि चलचित्रले छोएको छ ।
‘छक्कापञ्जा’ सिरिजको राम्रो पक्ष संवाद हो । ‘छक्कापञ्जा ४’मा पनि दर्शकलाई हँसाइरहने थुप्रै संवाद छन् ।
राजा, शिक्षकको भूमिकामा देखिएका केदार एवं साथीको भूमिकामा देखिएका बुद्धिले बोल्ने थुप्रै पन्चलाइनले दर्शकलाई रोमाञ्चित बनाइरहन्छ । अघिल्ला सिरिजमा जस्तै परिस्थितिजन्य संवादमा जोड दिइएको छ ।
दीपाश्री (रुक्मणी) दीपकराज (राजा)को श्रीमतीको भूमिकामा छिन् । राज आचार्य उनीहरूको छोराको भूमिकामा देखिएका छन् । अभिनेत्री बेनिशा हमालले ‘एलिशा’ नामक युट्युबर पात्रको भूमिका निर्वाह गरेकी छिन् ।
हेमराज बीसी निर्देशित चलचित्रमा निर्मल शर्मा, अनुराग कुँवर, मलिना जोशी, बेदना राई, सुष्मा निरौला, रमेश बुढाथोकी लगायतको समेत अभिनय छ ।
अभिनेत्री स्वस्तिमा खड्कालाई दर्शकहरूले गीतमा हेर्न पाउँछन्, जुन गीत युट्युबमा हिट समेत भइसकेको छ । तर, उक्त गीत सही प्रसंगमा नराखिएको हो कि जस्तो लाग्न सक्छ ।
‘छक्कापञ्जा’का अघिल्ला सिरिजको जस्तै फ्लेवर यसमा पनि पाइन्छ । प्रस्तुतिमा उस्तै शैली देखिन्छ । कलाकारहरूको अभिनयमा पनि त्यति नवीनता देखिँदैन । यद्यपि, गुनासो गर्ने धेरै ठाउँ भने छाडेका छैनन् ।
छायाँकन, साउन्डमा पनि खासै अपग्रेड गरिएको देखिँदैन । क्यामरा एंगल, शट डिजाइन र साउन्ड औसत छ ।
केही कमीकमजोरीका बावजूद चलचित्र हेरिरहँदा एकाध ठाउँ बाहेकमा दर्शकहरू त्यति बोर चाहिँ हुनुपर्ने छैन । राजनीतिक कथा भए पनि यसको प्रस्तुतिलाई मनोरञ्जनात्मक शैलीमै सरल रुपमा वाचन गरिएको छ । जसलाई दर्शकहरुले सजिलै बुझ्न सक्नेछन् । मनोरञ्जनका साथमा समाजका थुप्रै समसामयिक विषयवस्तुसँग पनि दर्शकलाई साक्षात्कार गराउन चलचित्र सफल छ ।
चलचित्रले बक्सअफिसमा भने पक्कै राम्रो गर्ने अपेक्षा गर्न सकिन्छ ।
निर्देशक : हेमराज बीसी
कथालेखन :दीपकराज गिरी
कलाकारहरू : दीपकराज गिरी, दीपाश्री निरौला, निर्मल शर्मा, केदारप्रसाद घिमिरे, बुद्धि तामाङ, राज आचार्य, बेदना राई, सुष्मा निरौला, नीर शाह, बेनिशा हमाल, रमेश बुढाथोकी इत्यादि
विधा : कमेडी
अवधि : २ घण्टा ३० मिनेट
वैशाखमा प्रदर्शनमा आउने तयारीमा रहेको फिल्म ‘डिग्री माइला’को टिजरलाई लिएर अर्बपति विनोद चौधरीले प्रतिक्रिया दिएका छन् । उक्त फिल्मको केही दिनअघि सार्वजनिक टिजरलाई लिएर चौधरीले प्रतिक्रिया दिएका हुन् ...
अभिनेता राजेश हमालबारे नकारात्मक टीकाटिप्पणी कमै हुने गरेको छ । सामाजिक सञ्जालमा पनि उनीबारे आलोचना गरेको खास्सै पाइँदैन । तर, यसपटक भने फेसबुक पोष्टमा राजेशले आलोचना खेपेका छन् । उनले फेसबुकमा ...
अभिनेत्री रेखा थापा आमा बनेकी छन् । अमेरिकामा रहेकी रेखाले शुक्रवार छोरीलाई जन्म दिएकी हुन् । उनले छोरीको नाम वैभवी राज्यलक्ष्मी शाही ठकुरी राखेकी छन् । सामाजिक सञ्जालमा तस्वीर सार्वजनिक गर्दै उनले आमा...
वैशाखको १४ गतेबाट प्रदर्शनमा आउने फिल्म ‘बोक्सीको घर’को फस्र्टलुक पोस्टर सार्वजनिक गरिएको छ । बुधवार सरस्वती पूजाको अवसर पारेर अभिनेत्री केकी अधिकारीको होम प्रोडक्सनमा निर्माण भएको यो फिल्मको पो...
निर्देशक राजु गिरीले ‘ईश्वर’ नामक चलचित्र निर्माणको घोषणा गरेका छन् । दिव्या कंगना फिल्मसको प्रस्तुतिमा बन्ने चलचित्रमा गिरीको लेखन एवं निर्देशन रहनेछ । यसमा पटकथा एवं संवाद भोजराज देवकोटाको रहनेछ ...
दरबारको कथा समेटेर नेपाली चलचित्र ‘राजमहल’ निर्माण गरिने घोषणा गरिएको छ । बिहीबार काठमाडौंमा आयोजित एक कार्यक्रमकाविच चलचित्रमा अभिनय रहने मुख्य कलाकारहरूको जानकारी दिँदै औपचारिक निर्माण घोषणा...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...