चितवन क्षेत्र नम्बर २ उपनिर्वाचन गर्ने निर्णय नसच्याए बहिष्कार गर्ने आम जनता पार्टीले चेतावनी दिएको छ। 

प्रभु साह अध्यक्ष रहेको उक्त पार्टीले प्रतिनिधिसभा अन्तर्गत रिक्त रहेको चितवन-२ मा निर्वाचन गर्ने निर्वाचन आयोगको निर्णय पक्षपाती, द्वेष र हतारो भएको ठहर गरेको छ। 

पार्टीले शनिबार विज्ञप्ति जारी गर्दै उक्त निर्णय नसच्याए उपनिर्वाचनमा भाग नलिने समेत जनाएको छ । 

चितवन २ को उपनिर्वाचन तत्काल स्थगन गर्नुपर्ने र राष्ट्रपति तथा उपराष्ट्रपति निर्वाचनपछि रिक्त हुने क्षेत्रमा समेत एकैपटक चुनाव गर्नुपर्ने पार्टीको माग छ।