भागबन्डा टुंग्याएर आजै मन्त्रिपरिषद् विस्तारमा शीतलनिवासमा मन्त्रीको सपथको कुनै तयारी भएको छैन ।

सामान्यतया ६ घण्टा अगाडि नै शपथको तयारीबारे जानकारी गराउनुपर्ने भए पनि प्रधानमन्त्री तथा मन्त्रिपरिषद्को कार्यालयले शीतलनिवासमा अहिलेसम्म कुनै जानकारी गराएको छैन। 

‘सामान्यतया शपथको गराउने दिन ६ घण्टा अगाडि जानकारी गराउने अभ्यास रहेछ तर बिहीबार बेलुका साढे ५ बजेसम्म पनि कुनै तयारीबारे जानकारी आएको छैन,’ राष्ट्रपतिका प्रेस संयोजक खिला कार्कीले लोकान्तरसँग भने । 

मन्त्रिपरिषद् विस्तारको अन्तिम भागबन्डा मिलाउन प्रधानमन्त्री निवास बालुवाटारमा सत्ता गठबन्धनका दलको बैठक बसिरहेको छ । 

सत्तारुढ दलबीच मन्त्रालयको संख्या र जिम्मेवारीको लगभग टुंगो लागेको छ । तर दलहरूले मन्त्री बन्ने नेताको सूची प्रधानमन्त्रीलाई बुझाउन नसक्दा ढिलाइ भइरहेको हो ।