तिब्बतको एउटा होटलमा पुगेका पर्यटकको कोठमा अनौठो गन्ध आएपछि उनलाई अर्को कोठामा जान भनिएको थियो । 

ती पर्यटक कोठामा आधा दिन जति बसेका थिए । कहाँबाट गन्ध आयो भनी उनी छक्क परिरहेका थिए । उनले तल बेकरीबाट वा आफ्नै पाइतालाबाट गन्ध आएको हो कि भनी शंका गरेका थिए । 

तर त्यो खाटमुनि रहेको लाशको गन्ध रहेछ । 

चाङ भनी चिनाइएका ती पर्यटक अप्रिल २० मा तिब्बतको ल्हासास्थित प्रख्यात होटलमा बसेका थिए । 

होटलमा शुरूमा एउटा कोठमा बसेका उनी पछि अर्कोमा सारिएका थिए । पछि प्रहरी अधिकृतहरूले उनलाई पहिलेको कोठामा पुनः बोलाउँदा उनले गन्धको स्रोत पत्ता लगाएका थिए । 

‘मैले उनीहरूलाई के भयो भनी सोधेको थिएँ । उनीहरूले कोही मरेको भने । अनि मैले कहाँ भनी सोधें । उनीहरूले तपाईंको खाटमुनि भने,’ शाङ्यु न्युजले खबर दियो । 

प्रहरीले हत्याको अनुसन्धान थालेको छ तर चाङलाई आरोपित बनाएको छैन किनकि त्यो लाश उनी त्यस कोठामा आउनुभन्दा धेरै दिन अघिदेखि थियो । 

यस घटनालाई चीनमा व्यापक कभर गरिएको छ । 

पछि तिब्बतबाट २ हजार किलोमिटर टाढा लानचाउ शहरमा एक आरोपित व्यक्तिलाई ट्रेनमा पक्राउ गरिएको थियो । 

प्रहरीलाई अनुसन्धानमा सघाएलगत्तै आफू तिब्बतबाट हिँडेको चाङले बताए । 

तर उक्त घटनाले आफूलाई स्तब्ध बनाएको र सुत्नै गाह्रो परेको उनको भनाइ छ । 

‘म बिहान २ वा ३ बजेसम्म जागै हुन्छु र छिसिक्क केही भयो कि उठिहाल्छु,’ उनले बताए, ‘यसले मेरो मानसिक स्थिति गडबड बनाएको छ ।’