कात्तिक २०, २०८०
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
जेठ १२, २०८०
त्रिभुवन अन्तर्राष्ट्रिय विमानस्थलका महाप्रबन्धक प्रतापबाबु तिवारीले श्रीमतीलाई आफू प्रमुख रहेको अड्डाको लेखा शाखामा सरुवा गरेका छन् ।
श्रीमतीलाई आफ्नै कार्यालयको लेखा शाखाको जिम्मा दिएर उनले स्वार्थ बाझिने र विवादास्पद काम गरेका हुन् ।
तिवारी करीब चार महिनाअघि त्रिभुवन अन्तर्राष्ट्रिय विमानस्थलमा महाप्रबन्धकका रूपमा सरुवा भएका थिए । यसअघिका महाप्रबन्धक प्रेमनाथ ठाकुर विवादमा तानिएपछि तिवारी त्यहाँ पुगेका थिए ।
आफू महाप्रबन्धक भएपछि तिवारीले श्रीमतीलाई आफैंले नेतृत्व गर्ने कार्यालयको लेखा शाखाको जिम्मा दिएको खुलेको हो । प्रतापबाबुकी श्रीमती रेनु राजस्व समूहतर्फकी कर्मचारी हुन् ।
‘आफू महाप्रबन्धक भएर आएपछि उहाँले श्रीमती रेनु तिवारीलाई लेखा शाखामा ल्याउनुभयो । पहिलो त, राजस्व समूहको कर्मचारीलाई लेखा शाखामा ल्याउनु हुँदैनथ्यो । दोस्रो, आफू मातहतको कार्यालयमा श्रीमतीलाई ल्याएर लेखा शाखाको जिम्मेवारी दिनु सरासर अनैतिक एवं शंकास्पद काम हो । नियत सफा हुन्थ्यो भने किन आफ्नै श्रीमती ल्याउनुपर्थ्यो ? के लेखामा अरू कर्मचारी छैनन् ?’ प्रश्न उठाउँदै स्रोतले लोकान्तरसँग भन्यो ।
राजस्व समूहका कर्मचारीलाई सामान्यतया लेखाको जिम्मेवारी दिइँदैन ।
‘विमानस्थलमा नल्याई नहुने अवस्था थियो भने उहाँलाई राजस्वको जिम्मेवारी दिएको भए हुन्थ्यो । तर, श्रीमानले आदेश दिने श्रीमतीले चेक काट्ने गरी वातावरण मिलाइएको देख्दा आशंका उब्जिएको छ,’ स्रोतले थप्यो ।
त्रिभुवन अन्तर्राष्ट्रिय विमानस्थल नेपाल नागरिक उड्ययन प्राधिकरणअन्तर्गत पर्छ । नागरिक उड्ययन प्राधिकरणभित्र तिवारीले आफूलाई अरू भन्दा असल छवि भएको कर्मचारीको रूपमा दाबी गर्दै आएका थिए ।
‘तिवारी सर आफूलाई ‘हाई– इन्टिग्रिटी’ भएको इमान्दार कर्मचारीको रूपमा परिचय गराउनुहुन्छ । तर, आफू कार्यालय प्रमुख भएका बेला श्रीमतीलाई सबैको आँखा लाग्ने लेखा शाखाको जिम्मेवारी सुम्पेपछि स्वाभाविकरूपमा उहाँको ‘इन्टिग्रिटी’ माथि शंका गर्ने अवस्था आएको छ,’ स्रोतले भन्यो ।
उच्च स्रोतका अनुसार नेपाल नागरिक उड्डयन प्राधिकरणले कार्यालय प्रमुखको श्रीमती लेखा शाखाको जिम्मेवारीमा रहँदा प्रश्न उठ्ने भन्दै तत्काल त्यो कदम सच्चाउन तिवारीलाई पटक–पटक सचेत गराइसकेको छ । तर, तिवारीले प्राधिकरणको सुझाव समेत बेवास्ता गरेको स्रोतको दाबी छ ।
यस सम्बन्धमा प्रतिक्रिया लिन खोज्दा तिवारीले पत्नीलाई आफूभन्दा पहिलेका महाप्रबन्धकले सरुवा गरेर ल्याएकाले स्वार्थ नबाझिने दाबी गरे ।
‘कार्यालय प्रमुखले नियम पालना गर्नुपर्दैन र ? कार्यालय प्रमुखको उत्तरदायित्व हुँदैन र ? सबै कर्मचारीले नियमपूर्वक काम गर्ने हो । मभन्दा अगाडिको जीएमले ल्याएको हो, त्यसमा म कसरी जोडिन्छु ?’ तिवारीले लोकान्तरसँग भने, ‘अरू कर्मचारीका पनि श्रीमान-श्रीमतीले पनि सँगै काम गरिरहेका छन् । यसमा स्वार्थ कसरी बाझिन्छ ?’
७ करोडका सामान अलपत्र
तिवारी यसअघि पनि त्रिभुवन अन्तर्राष्ट्रिय विमानस्थलको महाप्रबन्धक भैसकेका व्यक्ति हुन् । उनको अघिल्लो कार्यकालमा करीब ७ करोड रुपैयाँ खर्चेर गरेर गुड्ने भर्याङ (स्केलेटर) खरिद गरिएको थियो । ‘त्यत्रो पैसा खर्च गरेर खरिद गरिएको स्केलेटर प्रयोगविहीन छ । त्यो पनि गलत काम हो,’ स्रोतले थप्यो ।
तिवारी स्केलेटर खरिद सम्बन्धमा आफूलाई थाहा नभएको भन्दै पन्छिन खोजे ।
‘स्केलेटर मैले खरिद गरेको होइन । मेरो पालामा भएको जस्तो लाग्दैन । सबै कुरा मलाई थाहा हुँदैन । भएको कुरा नियमसंगत हुन्छन्’ तिवारीले लोकान्तरसँग भने ।
‘मोबाइल डिभाइस म्यानेजमेन्ट सिस्टम (एमडीएमएस)’ आज (सोमबार)देखि लागू हुने भएको छ । नेपाल दूरसञ्चार प्राधिकरणले पहिलो चरणमा प्रणालीमा दर्ता नभएका केही मोबाइलको नेटवर्क लक गरेर यो प्रणाली कार्यान्वयन...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
दाङको तुलसीपुर उपमहानगरपालिका वडा नम्बर– १९ बिजौरीका २२ वर्षीय युवक प्रतीक पुनमाथि परिवारको ठूलो जिम्मेवारी थियो । दुवै मिर्गौला फेल भएर बाबा ताराप्रसाद पुनको एक वर्षअघि मृत्यु भएपछि लागेको ...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
गएराति गएको भूकम्पले सबैभन्दा बढी जाजरकोटको नलगाड क्षेत्रमा क्षति गरेको छ । नलगाड नगरपालिकामा मात्रै तीन दर्जन बढीको ज्यान गएको जिल्ला प्रशासन कार्यालय जाजरकोटले जनाएको छ । अझै यकिन विवरण आउन बाँकी छ । ...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...