जनता समाजवादी पार्टी (जसपा) नेपालको  केन्द्रीय समितिको बैठक शनिबार बस्दैछ । 

विधान अधिवेशनको तयारीलगायतका विषयमा छलफल गर्न बैठक आह्वान गरिएको पार्टीका केन्द्रीय प्रचार विभाग प्रमुख पूर्ण बस्नेतले जानकारी दिए ।

उनका अनुसार बैठकमा केन्द्रीय कार्यकारिणी समितिले विभिन्न समिति र सङ्ठनहरुले पठाएका सुझाव समेटेर तयार पारेको संशोधित विधानबारे छलफल हुनेछ ।

पार्टी कार्यालयमा बिहान १० बजेदेखि बैठक सुरु हुने बताइएको छ ।  जसपाले यही असार १०, ११ र १२ गते  काठमाडौंमा विधान अधिवेशन गर्दैछ । 

विभिन्न समिति र सङ्गठनबाट गरी करिब 
८ सय जना जना प्रतिनिधि विधान अधिवेशनमा सहभागी हुँदैछन् । ​