प्रतिनिधिसभाले मिटर ब्याजसम्बन्धी विधेयक (मुलुकी संहिता सम्बन्धी केही नेपाल ऐनलाई संशोधन गर्न बनेको विधेयक) पारित गरेको छ ।
विधेयक पारित भएसँगै गृहमन्त्री नारायणकाजी श्रेष्ठले खुसी व्यक्त गरेका छन् ।

यो ऐन निर्माणले मिटरब्याज पीडितलाई न्याय दिलाउन बलियो आधार तय हुने उनको भनाइ छ । 

‘यो ऐन निर्माणले मिटर ब्याज पिडितलाई न्याय दिलाउने अभियानलाई सफल पार्न बलियो आधार प्रदान गर्नेछ । सबैलाई बधाई ।न्यायको पक्षमा दृढ होऔं’, श्रेष्ठको भनाइ छ ।