राप्रपा नेपालले आज शुक्रवार काठमाडौंमा विरोध प्रदर्शन गर्दैछ ।

विरोध प्रदर्शन दिउँसो २ बजे गर्न लागिएको छ । संयुक्त संयोजित संगठनहरू भद्रकालीमा भेला भई न्युरोड, असन हुँदै रत्नपार्कस्थित शान्तिबाटिकामा पुगेर कोणसभा हुने प्रवक्ता बसन्तमानसिंह अधिकारीले जानकारी दिए ।

भ्रष्टाचार विरोधी तथा सुशासनको पक्षमा, सीमा अतिक्रमण बन्द गर्नुपर्ने, विदेशी हस्तक्षेप बन्द गर्नुपर्ने, हिन्दू राष्ट्र कायम गर्नुपर्ने तथा धर्मान्तरणको रक्षा गर्नुपर्ने मागसहित राप्रपा नेपाल विरोधमा उत्रिएको छ ।